Páginanan Pretu di nos Historia

Maduro, Antoine J., Páginanan Pretu di nos Historia: fragmentonan relaciona cu temp'i catibu emancipacion i 25 aña despues, Corsou, 1961.

Antoine J Maduro:

Antoine Johannes Maduro was born in Aruba on 20 August 1909. He attended St. Jozef school in Pietermaai, Curaçao, with one spent at St. Dominicus College in Oranjestad, Aruba. He later attended the St. Thomas College where he earned his qualifications as a sworn translator (Dutch-Spanish). From 1953 to 1980, Maduro was involved in the development of Papiamentu - from exploring its origins and development, to proposing a standard orthography for the language to manuals on learning and mastering the language.

Como Guia:

Día promé de juli 1963 lo nos recorda un siglo di emancipación, e día qu, 100 aña pasá, tur catibu di e seis islanan qu ta forma Antiyanan Neerlandés a haña nan libertad. E buki aquí tin dos obheto. Na promé lugá é que revela hechonan histórico relacioná cu sclabitud qu pa esnan die dad avansá talbes ya a cái den olvido i qu mayoría di nos hubentud no a tende nunca di nan; na di dos lugá e que ta un guía pa yuda habitantenan di nos islanan forma un idea di magnitud di e acontecimiento qu nos ta preparando pa conmemora, pasobra pa un pueblo hustiprecia loque el a alcansá den curso di su existencia, ta imprescindible p’é ta na altura di su pasado. I e pasado éi nos lectornan ta haña describí den e fragmentonan aquí, sacá for di fuentenan histórico i fidedigno den tur sentido. Nos sincero deseo ta qu hubentud – recordando tur e pena i sufrimentunan di nos antepasadonan – lo percura i vigila pa e generación venidero no cái den un otro sclabitud, es decir esún qu ta tuma formanan inquietante, ta infiltrando pocopoco den hemisferio occidental i ta menasando tantu nos religión como nos libertad. Caveant consules!

Antoine J. Maduro
Corsou, November 1961